Relatos literarios de medo

HISTORIA DE LA ORATORIA Y DE LA RETÓRICA

 

ORATORIA E ELOCUENCIA: PERSUADINDO COA VOZ

VÍDEO DE NOA SANTIAGO SOBRE AS FRANXAS HORARIAS PARA AS SAÍDAS DURANTE O CONFINAMENTO

GUIÓN PARA UNHA PRESENTACIÓN OU VÍDEO

Elaboramos un guión para acompañar unha presentación de diapositivas ou vídeo de contido explicativo.

Preséntasevos un mesmo documento en formatos diferentes para que preparedes a seguinte tarefa.

1. Este exercicio require que primeiro analizades varias veces a información que contén. Observaredes que se combinan gráficos diversos e textos que, en xeral, insisten nas mesmas normas de xeito distinto:

Franxas horarias nas saídas para pasear e facer deporte durante o confinamento 

 https://issuu.com/micaelagonzalez/docs/presentaci_n_3__tarea.pptx

https://drive.google.com/open?id=1DXxj6xAgxEsfGNNc9TpNPCDLeYRW1qB7


Ademais, esas disposicións administrativas do Goberno seguro que xa as sabedes de memoria.


2. Despois, precisades elaborar un texto a modo de guión no que iredes incluíndo una explicación para cada diapositiva ou secuencia (no caso de escollerades traballar co formato en vídeo).

Se nunha diapositiva ou secuencia hai demasiada información, podedes resumir as ideas máis importantes. Este texto terédelo que redactar en galego.


3. En canto o guión estea rematado, procede que o ensaiedes varias veces, ata que logredes dominalo moi ben.


4. Finalmente, toca gravar a vosa intervención en audio. Se alguén quere (e ten autorización familiar) tamén a pode gravar en vídeo.


5. Para enviar o audio, empregaredes o mesmo procedemento que se explicaba na tarefa anterior a través de  https://wetransfer.com/ 

mandades o arquivo a esta dirección de correo

gata.2gatitos.1gato@gmail.com

PODCAST DE NOA SANTIAGO

Aquí podedes escoitar o podcast de Noa Santiago. Está moi en e pode resultarvos inspirador.
Noraboa e moitas gracias, Noa.

CONVENCER CO MEU PROPIO DISCURSO A PARTIR DO CONTIDO DUN VÍDEO

Estes dous vídeos ofrecen contidos diferentes, pero en ámbolos dous casos coinciden en transmitir aprendizaxes relacionadas coa intelixencia emocional, a asimilación de valores positivos e a resolución de conflitos.

1. O primeiro que vos propoño é que os visionedes. Son curtos (un deles nin chega a un minuto) e resultan amenos.
Nos vos engañedes: Que se trate de animación non implica que estean destinados exclusivamente para xente pequena. De feito, segundo as idades a formación e a experiencia de cada persoa, vai depender o que interpretemos.






2. O segundo paso consiste en escoller unha das dúas curtas. ¿Cal che gustou ou che comunicou máis: a da ponte ou a da pedra, o papel e as tesoiras?


3. Agora toca escribir unhas liñas respondendo estas preguntas:

      a) ¿Que historia se conta no vídeo?
      b) ¿Quen son os protagonistas?
      c) ¿Que problema se lles plantea?
      d) ¿Dan solucionado ese problema?
      e) ¿Como consiguen resolvelo?


4. Reflexiona uns intres ¿Que aprendemos de novo ou que aprendizaxe que xa sabiamos se reforza co vídeo?


5. Redacta agora nunhas pouquiñas liñas a conclusión á que chegaches no exercicio nº 4.


6. Elabora agora un breve discurso persuasivo centrado no contido do vídeo que escolliches. Por suposto, podes consultar a ficha coa que traballamos na clase. Ten en conta para o teu guión de traballo que:

• Non pode ser moi curto nin moi longo, a ver se o axustas a uns cinco minutos.
• Terás que empregar un ton distendido para agradar a quen te escoite, pero asegurándote que te van tomar en serio e vanse deixar convencer por ti.
• En todo momento, tes que transmitir que cres o que expresas.
• Empeza por presentar o problema que plantea o vídeo en forma de pregunta.
• Presenta a continación a historia do vídeo dun xeito ameno pero ordenado.
• Explica despois a ensinanza que aprendemos ou reforzamos co vídeo.
• E se es capaz e queres, podes finalizar poñendo un exemplo orixinal que a ti se che ocurra co que tamén se reforce a mesma idea do vídeo.

7. Pasa a limpo o texto do teu discurso, apréndeo ben ensaiando frente a un espello e grávate co teléfono léndoo, en audio ou en vídeo.


8. Cando remates, escóitate con atención. ¿Que tal che quedou? Déixallo escoitar a alguén da túa confianza e atende ás súas consideracións e consellos.


9. Se é necesario, repite a gravación para mellorala.


10. E, por fin, a ver se puideras, mándame por correo electrónico a gravación. Non será complicado se tes datos de internet ou wifi. Isto é o que precisas:

• unha conta calquera de correo electrónico
• rexistrarte gratuitamente con ela en https://wetransfer.com/
• enviarme o audio ou o vídeo a través de wetransfer.com a esta dirección de correo gata.2gatitos.1gato@gmail.com

 Enlace ao documento da tarefa para descargar

¡Moito ánimo!

A VISITA DO INSPECTOR

 https://issuu.com/micaelagonzalez/docs/a_visita_do_inspector__de_fina_casalderey

Como non nos é posible realizar a lectura dramática do texto teatral de Fina Casalderrey titulado A visita do inspector, cadaquen redactará un texto narrativo (dunhas cen palabras) no que se relatará en primeira persoa,  desde o punto de vista de cadanseu personaxe, a historia do que pasa na escola tanto na xornada previa como na da visita do inspector.

Despois, cómpre que se prepare a lectura do texto narrativo que se redactou ata que saia de corrido case sen ter que o ler. 

E daquela, xa se está en disposición de realizar a última tarefa: gravarse en audio lendo (sen que se note que o estades a facer) o texto escrito por cada persoa adoptando o papel do personaxe que vos tocara.

Ao final, escótate e valora como che saíu.

Ademais, cómpre rematar as fichas dos discursos persuasivos que xa foramos traballando na clase.

DISCURSOS PERSUASIVOS

 DISCURSO DE LEONOR DE BORBÓN


DISCURSO DUNHA RAPAZA COMO VÓS QUE SE DIRIXE AOS REPRESENTANTES POLÍTICOS DE XEITO MAXISTRAL CON APLOMO E EFICACIA
 

ESTRATEXIAS PARA CONVENCER A QUEN TE ESCOITA


XESTOS QUE DELATAN A QUEN MINTE E XERAN DESCONFIANZA NO AUDITORIO

PRACTICAMOS LENDO TRABALINGUAS

Agora imos practicar a lectura en voz alta vocalizando trabalinguas. Intentaremos ler cada un dos textos varias veces conseutivas apurando progresivamente o ritmo sen descoidar a vocalización.

Collín cordóns,
cordóns collín.
Pola rúa corro,
cordóns collo.
Pola rúa corrín,
cordóns collín.

Caeu unha “chica” ó chan.

Un can cun quinqué no cu.

A pita pasa,
a pipa pinga.
Cando a pita pasa,
a pipa pinga.

Por detrás daquel toxo
vai un pito coxo.
Corre, pito coxo,
pito coxo, corre.

Pasei polo río,
polo río pasei.
Pillei cordóns
cordóns pillei.

Do queixo non che me queixo,
que o queixo ben che me sabe;
quéixome de quen o vende,
que non mo deixa de balde.

Se vou a Bueu nun bou vou.
Se non vou a Bueu nun bou non vou.

Unha cunca de sal arrasada,
¿quen a desarrasará?
O desarrasador que a desarrase
bo desarrasador será.

Neste enlace aparecen moitos máis trabalinguas e algúns deles van acompañados de audios.

ORELLA PENELLA